ઓચિંતુ કોઇ મને રસ્તે મળે… – ધ્રુવ ભટ્ટ (Audiocast)
અક્ષરનાદના જન્મદિવસે ગત વર્ષથી શરૂ કરેલ આયોજનને આગળ વધારવાના પ્રયત્નરૂપ અક્ષરપર્વ – ૨ ના દિવસો નજીક આવી રહ્યા છે ત્યારે ગત વર્ષે યોજાયેલા અક્ષરનાદના સુંદર પર્વની યાદોમાંથી મેં ગાયેલું એક ગીત આજે પ્રસ્તુત છે. શ્રી ધ્રુવ ભટ્ટનું આ ગીત આમેય મારી કાયમી પસંદગી છે. અને અક્ષરપર્વમાં પણ મેં એ જ ગાયુ હતું. હાર્દિકભાઈ યાજ્ઞિકના સંચાલન હેઠળ યોજાયેલ ‘સૂર ઉમંગી’ આયોજનની આ અનેરી યાદ સતત મનમાં રહી છે, અને એટલે જ આ આયોજનનો વિડીયો પહેલા મૂક્યો હોવા છતાં આજે ફરી તેને ઑડીયો સ્વરૂપે યાદ કરવાનું મન થયું. આશા છે આપને ગમશે. ગત વર્ષે યોજાયેલા અક્ષરપર્વના વિડીયો અહીં ક્લિક કરીને જોઈ શકાય છે.
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
ઓચિંતુ કોઇ મને રસ્તે મળે ને કદી ધીરેથી પૂછે કે ‘કેમ છે?’
આપણે તો કહીએ કે દરિયાશી મોજમાં ને ઉપથી કુદરતની રહેમ છે.
ફાટેલા ખીસ્સાની આડમાં મૂકી છે અમે છલકાતી મલકાતી મોજ,
એકલો ઊભું ને તોયે મેળામાં હોઉં, એવું લાગ્યા કરે છે મને રોજ,
તાળું વસાય નહીં એવડી પટારીમાં, આપણો ખજાનો હેમખેમ છે,
આપણે તો કહીએ કે દરિયા શી મોજમાંને ઉપથી કુદરતની રહેમ છે.
આંખોમાં પાણી તો આવે ને જાય, નથી ભીતર ભીનાશ થતી ઓછી,
વધઘટનો કાંઠાઓ રાખે હિસાબ, નથી પરવા સમંદરને હોતી,
સૂરજ તો ઊગે ને આથમી યે જાય, મારી ઊપર આકાશ એમનેમ છે,
આપણે તો કહીએ કે દરિયા શી મોજમાંને ઉપથી કુદરતની રહેમ છે.
- ધ્રુવ ભટ્ટ
Categories: ઑડીયો, કવિતા, ગઝલ તથા સર્વ પદ્ય
બહુજ સુંદર રચના! શ્રી ધ્રુવ ભટ્ટ અને શ્રી જીગ્નેશ અધ્યારુ ને આવી ભાવવાહી કૃતિ આપવા બદલ ખુબ ખુબ અભિનંદન. આ કૃતિ અમારા સુધી પહોચાડવા બદલ અક્ષરનાદનો અંતરથી આભાર. આ ગીત અને સુંદર પ્રસ્તાવના સાંભળ્યા પછી અક્ષરપર્વ – ૨ માં હાજર રહેવાની તીવ્ર ઈચ્છા છે. એ કેવી રીતે સાકાર કરવી એ માટે માર્ગદર્શન આપવા વિનંતી.
કેતન પટેલ સુરત
by Ketan Patel on Feb 16, 2012 at 1:20 PM
બહુ જ સુન્દર …!!! વાહ જિવન તો આવિ રિતે જિવવુ જોઇએ અને ખરેખર જો તેમ થય તો આજનિ વિવદગ્રસ્ત દુનિયાના બધા પ્રશ્નો હલ થઇ જાય ફરિ એક વાર ધન્યવાદ અને રજુઆત પન હ્રુદયમા ઉતરિ જાય તેવિ રહિ….આ માતે આભાર
by Vidyut Oza on Feb 16, 2012 at 2:41 PM
બહુ જ સરસ ગીત અને એટલી જ સરસ ગાયકી.
તમે ગાઓ છો પણ ખરા, એ આજે જ ખબર પડી.
હવે એક કામ કરો…
ધુવ ભાઈનો બાયો ડેટા મેળવી દો.
by સુરેશ જાની on Feb 16, 2012 at 10:02 PM
શ્રી ધ્રુવ ભટ્ટની કાવ્ય રચના અર્થપૂર્ણ છે. શ્રી અધ્યારુનો કંઠ પણ મધુર છે. ગીત સંગીત ,શબ્દ અને સુરનો સરસ રીતે મેળ જામ્યો છે.
આ ગીત અને સગીત દિલને ડોલાવી ગયું. આવું સરસ ભાવવાહી ગીત સંભળાવવા માટે આપણો ખુબ આભાર. આવાં બીજા સુંદર ગીતો પસંદ કરીને ફરી સંભળાવતા રહેશો એવી આશા રાખું છું. અભિનંદન.
વિનોદ પટેલ
http://www.vinodvihar75.wordpress.com
by Vinod Patel on Feb 16, 2012 at 10:42 PM
beautiful
by amita desai on Feb 17, 2012 at 10:03 AM
અભીનંદન જીગ્નેશભાઇ, તમારો કંઠ પણ તમારી જેમ મધુર છે. ધ્રુવ ભટ્ટ મારા પ્રીય લેખક છે, આવતી કાલે તેઓ અમરેલી આવી રહ્યા છે બાલ ભવન, અમરેલી માં વાંચે ગુજરાત અંતર્ગત તેઓ “અકુપાર” નું રસપાન કરાવવાના છે, તમારી જાણ માટે.
by Krishnakumar Thaker on Feb 18, 2012 at 6:43 PM
અભિનન્દન !!!
તમરુ લખન ખુબ સરસ અશ્વિન વ્યસ્
by Ashwin Vyas on Feb 23, 2012 at 1:58 PM